Tá Mi-WOW ag iarraidh constaicí ar leith atá faoi mhná imirceacha a théann ag lorg poist in Éirinn a iniúchadh, a thacú agus a shárú. Tá Mi-WOW deartha chun mná imirceacha a chumhachtú chun gach gealladh atá fúthu a chomhlíonadh, a gcuid féinmhuiníne a atógáil, agus a gcuid scileanna a uasghrádú chun rochtain a thabhairt dóibh ar an margadh saothair agus/nó dul chun cinn gairme a éascú ar bhealaí atá nasctha lena gcuspóirí gairmiúla. Gheofar tuilleadh eolais ar MiWOW ón gComhpháirtíocht le Pobail Nua ag miwow@newcommunities.ie
Idir Iúil 2020 agus Feabhra 2021, reáchtáil Mi-WOW ceithre leagan ar líne de ‘Returning to the Workforce Training’ (Oiliúint chun Filleadh ar an Áit Oibre) a bhí dírithe ar mhná imirceacha a ullmhú le dul ar ais isteach sa mhargadh saothair agus a ngairmeacha beatha in Éirinn a athsheoladh. I gceist san oiliúint bhí seisiúin scileanna TF, seisiúin scileanna cumarsáide, faisnéis faoi chearta fostaíochta agus faoi mhargadh saothair na hÉireann, agus seisiúin oiliúna gairme aonair do 40 bean imirceach a chónaíonn ar fud na hÉireann.
D’aontaigh ceathrar de na mná sin a gcuid scéalta a roinnt gan ainm. Is sampla iad na scéalta seo d’athléimneacht agus d’obair chrua na mban seo agus freisin den rath a bhí ar thionscadal Mi-WOW ina chéad bhliain.
Roghnaíodh na scéalta seo d’fhonn roinnt solais a chaitheamh ar na constaicí casta atá roimh mhná imirceacha agus iad ar a dturas isteach agus trí fhostaíocht in Éirinn, agus ar eispéiris na mban imirceach a bhfuil féiniúlachtaí agus réaltachtaí difriúla acu ach a bhfuil go leor nithe i bpáirt acu, leis. Go háirithe, le linn phaindéim COVID-19 agus na srianta gaolmhara sa tír, agus a éifeacht ar mhargadh an tsaothair.
CÁS-STAIDÉAR 1
Is iarrthóir tearmainn í Ms W, as an Nigéir ó dhúchas, atá ina cónaí i Soláthar Díreach i gceantar tuaithe na hÉireann. Tá sí sa tír le breis agus bliain go leith agus tá Béarla líofa aici.
Tá cáilíochtaí tríú leibhéal ag Ms. W agus taithí thar 6 bliana i réimse an chaidrimh phoiblí agus na cumarsáide ina tír dhúchais, agus bhí súil aici go mbeadh sí in ann obair ina réimse saineolais fad a bheadh a hiarratas á phróiseáil.
Ceann de na príomhchonstaicí a bhí roimh Ms W tar éis di teacht go hÉirinn ba ea nárbh fhéidir léi ar dtús oibriú go dlíthiúil sa tír mar iarrthóir tearmainn. Ó Mheitheamh 2018, áfach, tugann reachtaíocht na hÉireann an ceart anois d’iarrthóirí tearmainn oibriú trí chead sealadach chun rochtain a fháil ar an margadh saothair agus d’éirigh léi an cead sin a fháil sa deireadh.
Ar an drochuair, thuig sí go luath nach é seo an t-aon bhac a bhí uirthi. In ainneoin go leor iarratas, ní raibh Ms. W á glaoch chun agallaimh. Ní raibh sí cinnte an raibh rud éigin mícheart á dhéanamh aici. Bhí cónaí uirthi i gceantar tuaithe in Éirinn a d’fhág go raibh teora lena roghanna. “An rud is mó a chuireann frustrachas orm ná nach dtairgtear dom ach poist shuaracha, fiú le cead oibre, is cumas cad iad na cáilíochtaí acadúla atá againn”, a dúirt Ms. W.
D’fhoghlaim sí faoi oiliúint fostaíochta Mi-WOW trí na meáin shóisialta agus rinne sí iarratas ar pháirt a ghlacadh ann mar bhí fonn uirthi scileanna a fhoghlaim chun seans níos fear a fháil chun dul isteach i margadh saothair na hÉireann. Chun a rannpháirtíocht ghníomhach agus a rochtain ar an oiliúint a chinntiú, chuir foireann Mi-WOW ríomhaire glúine ar fáil di ar feadh ré an chláir.
Ag cur an méid a d’fhoghlaim sí in oiliúint Mi-WOW i bhfeidhm, fuair Ms. W glaoch chun agallaimh agus tairgeadh post di go tapa. Ar an drochuair, níor leanadh leis seo i ndeireadh na dála mar gheall ar thonn nua de COVID-19 sa tír.
Bhí Ms W an-tiomanta don chlár agus bhí sí i gcónaí ina foinse inspioráide agus spreagtha don chuid eile dá rang. Bhí sí ina hionadaí freisin dá comh-iarrthóirí tearmainn ag grúpa idirchaidrimh a n-óstphobail. Spreag a cuid taithí ar chónaí i Soláthar Díreach, mar aon le cúrsa oiliúna Mi-WOW le mná imirceacha eile, Ms. W chun athoiliúint i réimse na Síceolaíochta a fháil agus fuair sí scoláireacht iomlán ó ollscoil mór le rá i mBaile Átha Cliath, áit a bhfuil sí ag freastal ar léachtaí fíorúla ó Dheireadh Fómhair 2020.
Tá Ms. W dóchasach faoina todhchaí in Éirinn. Ina cuid focal féin: “Caithfidh mná imirceacha gach bac ar a mbealach chun rath a threascairt le diongbháilteacht”.
CÁS-STAIDÉAR 2
Is as tír sa Mheánoirthear ó dhúchas Ms. X agus tá míchumas éisteachta uirthi. Bhí cónaí uirthi in Éirinn ar feadh 2 bhliain nuair a chuir sí eolas ar fhoireann Mi-WOW. Tá Stampa 1G aici.
Is gairmí cáilithe í Ms. X réimse na hInnealtóireachta Bia agus tá breis agus 10 mbliana de thaithí oibre aici. Tar éis gur bhronn a tír dhúchais scoláireacht iomráiteach uirthi, tháinig sí go hÉirinn chun céim MSc a dhéanamh ina réimse saineolais in ollscoil mór le rá i mBaile Átha Cliath. In ainneoin a mórchaillteanais éisteachta agus a bheith ina mac léinn Béarla mar dhara teanga, chríochnaigh sí a céim MSc in Éirinn le hOnóracha den Chéad Rang.
Cé go bhfuil leibhéal líofa Béarla (labhartha agus scríofa), cáilíochtaí agus scileanna aici, bhí sí dífhostaithe ar feadh beagnach bliain tar éis na céime nuair a tharchur Cumann Cathaoireacha Rothaí na hÉireann í chuig foireann Mi-WOW chun tuilleadh tacaíochta a iarraidh ina haistear ag lorg poist.
Le linn an turais gan staonadh a rinne Ms. X chun poist a fháil in Éirinn, bhraith sí go ndiúltaíonn earcaitheoirí di go huathoibríoch tar éis cuireadh a thabhairt di chun agallaimh a luaithe a nochtann sí a míchumas éisteachta. Go minic, cuireadh deireadh leis an gcumarsáid ag an bpointe sin gan aon fhógra nó míniú breise.
Toisc nach n-úsáideann Ms. X an teanga chomharthaíochta, bíonn sí ag brath ar cheannteidealú dúnta a úsáid le linn glaonna físe chun a bheith in ann páirt a ghlacadh. D’fhonn inrochtaineacht iomlán a thabhairt do Ms. X ar oiliúint ar líne, labhair foireann Mi-WOW le Cumann Bodhar na hÉireann chun réiteach fotheidil dúnta a fháil di. Trí bhogearra cliste saorga, cumasaíodh fotheidil dúnta le linn na hoiliúna Mi-WOW do Ms. X.. “Ní raibh mé cinnte an n-oibreodh oiliúint ar líne dom ach bhí foireann Mi-WOW, teagascóirí agus rannpháirtithe an-tacúil agus dearfach i ngach seisiún. Bhí mé in ann páirt ghníomhach a ghlacadh i ngach seisiún ó cuireadh tacaíocht theicniúil (bogearraí fotheidil dúnta) ar fáil dom”, a dúirt sí.
Ghlac Ms. X páirt fhonnmhar sa chlár. Agus í fós sa chlár, bhí sí ag cur isteach go gníomhach ar phoist agus tugadh cuireadh chun agallaimh di le haghaidh poist ina réimse spéise agus saineolais. Dheimhnigh Cumann Cathaoireacha Rothaí na hÉireann, a bhí ag obair go dlúth i gcás Ms. X, gur cuireadh san áireamh sa phróiseas earcaíochta í, agus chuir siad comhairle uirthi faoi na roghanna a bhí ar fáil chun é seo a bhaint amach. D’éascaigh an eagraíocht a raibh Ms. X ag déanamh iarratais air fotheidealú dúnta le linn an phróisis agallaimh. D’éirigh léi trí bhabhta agallaimh a fháil agus tairgeadh post di a oireann go foirfe dá scileanna agus dá taithí.
Bhí an comhoibriú idir eagraíochtaí ríthábhachtach chun deireadh rathúil a chur le turas iarrtha poist Ms. X. Mar a dúirt sí féin: “Déanann tacaíochtaí beaga difríocht mhór i ndáiríre”. I mí Eanáir 2021, bhog Ms. X go baile difriúil in Éirinn chun a post nua agus a saol nua sa tír a thosú.
CÁS-STAIDÉAR 3
Is gairmí AD í Ms. Y, as an bPacastáin ó dhúchas, le breis agus 4 bliana de thaithí sa réimse agus cáilíochtaí tríú leibhéal, lena n-áirítear MBA. Tá sí ina cónaí in Éirinn ó bhí 2013 ann. Ar dtús, bhí sí sa tír faoi Stampa 3, nár lig di obair a fháil, ach ó rugadh a leanbh in 2017 tá Stampa 4.9 aici.
Bhí Ms. Y ar shiúl ón lucht oibre ar feadh 7 mbliana, mar gheall ar fhreagrachtaí teaghlaigh, nuair a chuaigh sí le hoiliúint Mi-WOW. Bhí fonn uirthi tosú ag obair arís ach nuair nár éirigh léi ina hiarratais chuaigh sé i bhfeidhm ar a féinmhuinín.
I measc na mbacainní a mhothaigh Ms. Y a bhí le sárú aici, bhí an easpa tuisceana ar an gcaoi a n-oibríonn margadh saothair na hÉireann, easpa líonra dá cuid féin sa tír, agus easpa glaonna chun agallaimh in ainneoin gur chuir sí mórchuid CV isteach. Bhraith sí freisin go bhféadfadh a bearna CV agus a easpa taithí sa tír a bheith díspreagúil d’earcaitheoirí. Cúis imní eile ar dtús ó Ms. Y ná go bhféadfadh claontacht neamh-chomhfhiosach a bheith ag dul ina coinne de bhrí gur chaith sí an hijab.
Ghlac Ms. Y páirt an-ghníomhach san oiliúint. Bhraith sí gur thug eolas faoin margadh agus faoina cearta cumhacht di. Chabhraigh na focail spreagtha agus tacaíochta ó fhoireann agus ó theagascóirí Mi-WOW léi a féinmhuinín a fháil ar ais de réir a chéile. Thosaigh sí ag cur na scileanna nua a bhí á foghlaim aici i bhfeidhm agus bhí sí ag lorg deis nua i rith an chláir.
Tar éis di dhá agallamh babhta ceannais a fháil le haghaidh dhá ról ar leithligh in eagraíochtaí éagsúla, ní dhearna ceann acu teagmháil léi arís. Cé nach bhfuair sí an dara post, bhí an painéal agallóirí chomh tógtha léi gur smaoinigh siad uirthi láithreach agus rinne siad teagmháil léi an chéad uair eile a tháinig folúntas oiriúnach chun cinn san eagraíocht. Tairgeadh post di ina réimse spéise le hacmhainn dul chun cinn gairme. Tar éis briseadh gairme 7 mbliana agus i rith paindéime d’éirigh le Ms. Y ar deireadh a gairmré a sheoladh arís in Éirinn.
Feiceann Ms. Y deis le bealach gairme níos soiléire a leagan amach di féin Dúirt sí: “Rud amháin a d’fhoghlaim mé ó mo thaithí i Mi-WOW ná gur scil í an athléimneacht agus is cinnte go dtiocfaidh tú chun tosaigh arís.”
CÁS-STAIDÉAR 4
Is as an Airgintín Ms. Z ó dhúchas ach tá saoránacht Eorpach aici freisin – rud a shíl sí a dhéanfadh a próiseas cuardaigh poist níos éasca. Nuair a chuaigh sí isteach in oiliúint Mi-WOW, bhí sí in Éirinn ar feadh 5 mhí. Tá cáilíochtaí aici i nGnó agus Riarachán le breis agus 10 mbliana taithí sa réimse agus tá leibhéal Béarla idirmheánach uachtarach aici.
Bhog sí go hÉirinn ag súil le saol nua a thógáil sa tír agus leanúint lena gairm ghairmiúil anseo. Ar theacht di, thosaigh Ms. Z ag cuardach poist. Ar an drochuair, ag an am céanna, bhuail paindéim COVID-19 an tír agus d’éirigh deiseanna fostaíochta gann.
Chinn sí ar leanúint ar aghaidh ag foghlaim agus í ag lorg fostaíochta agus chríochnaigh sí dhá theastas ar líne le hinstitiúidí Éireannacha, ceann i réimse an leabharchoimeádta agus bainistíocht párolla agus ceann eile i scileanna rúnaíochta feidhmiúcháin.
Tar éis di na teastais seo a chríochnú, lean sí den chuardach ar níos mó deiseanna ar líne nó bealaí chun athoiliúint a dhéanamh chun a seansanna fostaíochta a mhéadú, nuair a tháinig Ms. Z ar fud na hoiliúna Mi-WOW.
Faraor, níor éirigh go maith lena hiarrachtaí post nua a fháil i lár paindéime go dtí seo. Le linn na hoiliúna, d’aithin Ms. Z cuid de na constaicí a chreid sí a bhí roimpi, mar shampla CV agus litir chlúdaigh a scríobh ar chaighdeáin na hÉireann, easpa taithí sa tír, agus easpa líonra dá cuid féin. Bhraith sí freisin go bhféadfadh gurb é a haois an nach raibh earcaitheoirí á glaoch chun agallaimh.
Rannpháirtí tiomanta agus dáiríre ab ea Ms. Z agus bhí spriocanna láidre fostaíochta aici agus fonn láidir chun a gairm a athsheoladh. D’oibrigh sí le foireann agus teagascóirí Mi-WOW chun cuid de na constaicí seo a shárú, agus bhraith sí go bhféadfadh sí deis a bheith aici anois i gcomparáid le hiarratasóirí eile.
Tar éis a cuid oiliúna le Mi-WOW a chríochnú, tairgeadh ról sealadach téarma seasta mar riarthóir cuntas do Ms. Z ar feadh 3 mhí agus an fhéidearthacht ann síneadh a chur leis. Ag deireadh na tréimhse 3 mhí seo, tairgeadh post buan di. Ar an drochuair, chuir an paindéim reatha iallach ar an gcuideachta laghdú a dhéanamh, agus ní raibh rogha eile acu seachas ligean di imeacht. Cé go raibh díomá uirthi faoin scéal, bhí a fhios ag Ms. Z go raibh na scileanna aici chun triail a bhaint as arís. Díreach ina dhiaidh sin, chuir sí isteach ar phost eile, agus tairgeadh ról sealadach eile di, an uair seo mar oibrí líne tosaigh mar rianaitheoir teagmhála COVID-19 le linn na tréimhse is deacra den phaindéim in Éirinn. D’oibrigh sí sa ról seo ar feadh 2 mhí ach mar gheall ar an laghdú ar líon na gcásanna, chiallaigh sé nach raibh an post ag teastáil a thuilleadh agus cuireadh deireadh lena conradh.
Is léir gur bhain Ms. Z tairbhe as na huirlisí agus an t-eolas a d’fhoghlaim í le linn chlár Mi-WOW. Bhí a diongbháilteacht agus a cáilíochtaí roimhe seo agus a hoiliúint bhreise ríthábhachtach chun fostaíocht a fháil in Éirinn. Ar an drochuair, is minic baint idir easpa seasmhachta agus drochchoinníollacha oibre agus leibhéil dífhostaíochta agus dul chun cinn gairme na mban imirceach. “Tá súil agam gur féidir le mo scéal a bheith ina inspioráid do dhaoine eile agus gur féidir dálaí oibre níos fearr a thairiscint do mhná imirceacha”.
Agus é seo á scríobh, bhíothas tar éis post nua sealadach a thairiscint do Ms. Z.
